នៅពេលនិយាយអំពីការឆ្លើយតបបែបអវិជ្ជមានរបស់អតិថិជន វាជារឿងសំខាន់ក្នុងការចូលទៅជិតរឿងមួយនេះដោយអាកប្បកិរិយាទទួលយក និងបើកចំហ។ ជំនួសឱ្យការការពារ ចូរអ្នកព្យាយាមយល់ថាតើអតិថិជនរបស់អ្នកមកពីណា និងបញ្ហាជាក់លាក់អ្វីខ្លះត្រូវបានពួកគេលើកឡើង។ នេះគឺជាការអនុវត្តល្អបំផុតមួយចំនួនសម្រាប់ការឆ្លើយតបទៅនឹងការវាយតម្លៃអវិជ្ជមាន៖
- កុំប្រញាប់ប្រញាល់ប្រតិកម្ម៖ ចំណាយពេលរបស់អ្នកដើម្បីដំណើរការមតិកែលម្អមុននឹងឆ្លើយតប ជៀសវាងការឆ្លើយតបភ្លាមៗពេលអ្នកកំពុងខឹង វាអាចបង្កជាបញ្ហាកាន់តែលំបាកជាងនេះ ។
- ទទួលស្គាល់បញ្ហា៖ មធ្យោបាយដ៏ល្អបំផុតដើម្បីបញ្ចៀសស្ថានការណ៍តានតឹងគឺដោយការទទួលស្គាល់ពីការឈឺចាប់ ឬការខកចិត្តដែលរបស់អ្នកអាចបង្កឡើង។ អ្នកអាចឆ្លើយតបលក្ខណៈសាមញ្ញដូចជា “ខ្ញុំសុំទោសដែលអ្នកកំពុងជួបប្រទះបញ្ហានេះ” ឬ”ខ្ញុំសុំទោសដែលយើងមិនបានបំពេញតាមការរំពឹងទុករបស់អ្នក”។ សូមអរគុណអតិថិជនដែលបានផ្តល់មតិយោបល់មកកាន់អាជីវកម្មរបស់អ្នក ហើយបង្ហាញថាអ្នកមានឆន្ទៈយកចិត្តទុកដាក់ក្នុងការស្តាប់ និងពិចារណាពីទស្សនៈរបស់ពួកគេ។
- ឆ្លើយតបប្រកបដោយវិជ្ជាជីវៈ៖ រក្សាការឆ្លើយតបរបស់អ្នកប្រកបដោយវិជ្ជាជីវៈ និងទាមទារឲ្យអ្នកយល់ពីអ្វីដែលអតិថិជនចង់បានជាចាំបាច់។ វិធីសាស្រ្តដ៏ល្អអ្នកអាចសួរព័ត៍មានបន្ថែមអំពីគោលបំណងពិតប្រាកដ ដែលពួកគេចង់បាន ដើម្បីឲ្យអ្នកកាន់តែងាយស្រួលក្នុងការឆ្លើយតាមតម្រូវការរបស់ពួកគេ។
- ស្វែងយល់ពីមតិកែលម្អ៖ មតិកែលម្អរបស់អតិថិជនអាចជាឱកាសមួយសម្រាប់ការកែលម្អអាជីវកម្មរបស់អ្នក។ ប្រើវាជាឱកាសដើម្បីស្វែងយល់ពីអ្វីដែលត្រូវធ្វើក្នុងការបង្កើនភាពល្អប្រសើរមួយទៅអតិថិជនឲ្យសមស្របចំពោះការចំណាយរបស់ពួកគេ។
